“İran ABŞ ilə bərabərhüquqlu və qarşılıqlı qazanc prinsipinə əsaslanan danışıqları qəbul edir”.
Teleqraf xəbər verir ki, bunu İran Prezidenti Məsud Pezeşkian deyib.
“Qonşu ölkələrin dəstəyi ilə baş tutacaq nüvə danışıqlarının yeni raundu ədalətli həll üçün yaxşı fürsətdir, əlbəttə, tərəflər həddindən artıq tələb etmədən öhdəlik götürsələr. Biz ədalətsiz sanksiyaların ləğvini, hüquqlarımızın təmin olunmasını istəyirik.
İnanırıq ki, regional və qlobal problemlərin həlli yolu ancaq ünsiyyət və dialoqdur”, - o bildirib.
Məsud Pezeşkian qeyd edib ki, nüvə danışıqlarının yeni raundu hər iki tərəf üçün məsələlərin məntiqli şəkildə həll olunması üçün münasib fürsətdir.
