"Rusiya prezidenti Vladimir Putin Qərb liderlərindən fərqli olaraq özünü centlmen kimi aparır", deyə Pentaqonun keçmiş müşaviri, polkovnik Duqlas Makqreqor “Deep Dive” YouTube kanalında bildirib.
Sherg az "RİA Novosti"yə istinadən xəbər verir ki, Pentaqonun keçmiş müşaviri bildirib: “Xarici işlər naziri Sergey Lavrovun və prezident Putinin davranışlarına diqqətlə baxsanız, görərsiniz ki, onlar özlərini bütün dövr ərzində cənablar kimi aparıblar".
Polkovnikin sözlərinə görə, onlar heç vaxt heç kimlə əl sıxmaqdan imtina etməyiblər və Qərb liderlərindən fərqli olaraq digər ölkələrin rəhbərliyini ictimaiyyət qarşısında alçaltmayıblar.
"Birləşmiş Ştatlar, hər şeydən əvvəl, Rusiyaya maraqlarına hörmət edərək, böyük dövlət kimi yanaşmaq istəmir - biz bunu heç vaxt etməmişik, amma bunu etməliyik", - Makqreqor sözünü yekunlaşdırıb.
Cümə axşamı Putin “Valday” Beynəlxalq Diskussiya Klubunun plenar iclasında deyib ki, Rusiyanın həm ABŞ-ın yeni seçilmiş prezidenti Donald Tramp, həm də digər Qərb ölkələrinin rəhbərləri ilə təmasları bərpa etməyə qarşı heç bir problemi oxdur. Kremlin sözçüsü Dmitri Peskov prezidentlə Trampın telefon danışığı ehtimalını şərh edərkən bildirib ki, Rusiya lideri ABŞ-la bərabərhüquqlu dialoqa hazır olduğunu bir daha təsdiqləyib, lakin top Amerika meydanındadır.
