Ötən gecə Rusiyanın Ukraynanın Sumı vilayətinə aviazərbələri nəticəsində ölənlərin sayı 6 nəfərə çatıb.
APA-nın “Unian“a istinadən xəbərinə görə, bu barədə ölkənin Baş Prokurorunun Ofisindən məlumat verilib.
Bildirilib ki, son olaraq dağıntılar altından 4 meyit çıxarılıb.
***
11:01
Rusiyanın ötən gecə Ukraynanın Sumı vilayətinə aviazərbələri nəticəsində yaralıların sayı biri azyaşlı olmaqla, 9 nəfərə çatıb.
APA-nın xəbərinə görə, bu barədə məlumatı UNIAN yayıb.
Bildirilib ki, səhər saatlarında dağıntılar altından iki nəfərin meyiti çıxarılıb. Ümumilikdə isə 118 nəfər təxliyə olunub.
Axtarışlara kinoloji briqadalar cəlb olunub, eyni zamanda xilasedicilər ərazidə psixoloqların da çalışdığı müvəqqəti qərargah təşkil edib.
Qeyd edək ki, Rusiya hərbi aviasiyasının zərbələri nəticəsində 10 mərtəbəli yaşayış binasında 9 mənzil, eləcə də 12 mənzilin eyvanı yararsız hala düşüb.
