ABŞ Ukraynaya “Tomahawk” raketlərini verərsə, Rusiyada təqribən 2000 hərbi və sənaye obyekti onların atəş məsafəsinə düşə bilər. Bu obyektlər arasında Yelabuqadakı “Şahed” pilotsuz uçuş aparatı zavodu və Engels strateji bombardmançı bazası da yer alır.
Sherg.az xəbər verirk ki, bu barədə "Müharibə Araşdırmaları İnstitutu" (ISW) məlumat yayıb.
ISW-nin hesablamalarına əsasən, raketin 1600 km məsafəyə çatan versiyası Rusiyada ən azı 1655 hədəfi vurmaq gücünə malikdir. 2500 km uçuş məsafəsi olan variantı isə 1945 obyektə qədər zərbə endirmək imkanı yaradır.
Ukrayna parlamentinin deputatı Yehor Çernevin fikrincə, Donald Tramp bu raketlərin tədarükünü bir neçə ay ərzində mərhələli şəkildə həyata keçirə bilər. Eyni zamanda, Putinin reaksiyasını izləyərək onların istifadəsinə qoyulan məhdudiyyətləri tədricən aradan qaldıra bilər.
