Vasif Əfəndiyev: "Araik Qarabağda "silahlı qüvvələrə" malik olduğunu göstərmək istəyir"
"Xankəndidə özünü qondarma "prezident" elan edən Araik Arutyunyan qanunsuz hərbi birləşmələrin rəhbər heyəti ilə görüşüb".
Bunu Sherg.az-a Vəhdət Partiyasının sədr müavini Vasif Əfəndiyev deyib. Politoloq bildirib ki, Araik Qarabağda "silahlı qüvvələrə" malik olduğunu göstərmək istəyib:
"10 noyabr üçtərəfli sazişinə görə, Qarabağ ərazisinə soxulan Ermənistana aid silahlı qüvvələr Rusiya sülhməramlılarının əraziyə girişi ilə paralel olaraq oranı tərk etməli idi. Arutyunyanın bu şousu həm onların, həm də Ermənistanın üçtərəfli bəyanata həyasızca əməl etmək niyyətində olmadığının sübutudur. Bu da bizə tam qanuni əsaslarla Xankəndidə növbəti hərbi əməliyyatlara başlamaq üçün hüquq verir. Qarabağ ərazisində növbəti iki il müddətinə qədər Rusiya sülhməramlılarından başqa heç bir xarici ölkənin silahlıları olmamalıdır. Azərbaycanın suveren ərazilərində bizim razılığımız olmadan hansısa xarici nümayəndə heyəti, müşahidəçi qurum və ya güc strukturlarının mövcudluğuna imkan verilə bilməz".
