Dağıstanda ictimai təhlükəsizliyi təmin etmək üçün pilotsuz uçuş aparatlarından istifadəyə qadağa qoyulub.
APA xəbər verir ki, bu barədə respublika rəhbəri Sergey Melikov sərəncam imzalayıb.
Dronlardan federal hökumət orqanları, dövlət orqanları, yerli özünüidarəetmə orqanları və onların tabeliyində olan təşkilatlar tərəfindən verilmiş səlahiyyətlər çərçivəsində istifadə mümkün olacaq.
Bundan başqa, dövlət müdafiə sifarişlərini yerinə yetirən təşkilatlar, federal hökumət orqanları, respublikanın dövlət orqanları, rayon bələdiyyələrinin yerli özünüidarəetmə orqanları və onların tabeliyində olan təşkilatlarla bağlanmış müqavilələr, müqavilələr əsasında digər təşkilatlar və fiziki şəxslər də pilotsuz uçuş aparatlarından istifadə edə biləcəklər. .
