Paytaxt Tbilisidə 25 yaşlı xanım 22 yaşlı ərini qətlə yetirib.
24News.ge xəbər verir ki, bu barədə məlumatı Daxili İşlər Nazirliyi yayıb.
Məlumata görə, təqsirləndirilən şəxs cari ilin avqustun 22-də, Tbilisidə yaşadıqları mənzildə ailə münaqişəsi zəminində həyat yoldaşı – 2003-cü il təvəllüdlü L.G-yə soyuq silahla ölümcül xəsarət yetirib.
Tbilisi Polis Departamentinin əməkdaşları isti izlərlə həyata keçirilən operativ tədbirlər və istintaq hərəkətləri nəticəsində 2000-ci il təvəllüdlü T.G-ni saxlayıblar.
Polis hadisə zamanı istifadə olunan cinayət alətini – bıçağı maddi sübut kimi götürüb.
İstintaq Cinayət Məcəlləsinin 109-cu maddəsinin “k” bəndi ilə aparılır, bu da ailə üzvünə qarşı ağırlaşdırıcı hallarda qəsdən adam öldürməni nəzərdə tutur. Sözügedən cinayət 20 ilədək və ya ömürlük azadlıqdan məhrumetmə cəzasını nəzərdə tutur.
