Ankarada fəaliyyət göstərən 28 yaşlı həkim Muhammet Mustafa Duman, “ev heyvanını qəsdən öldürmə” ittihamı ilə həbs edilmişdi.
Sherg.az xəbər verir ki, onun haqqında “müstəhcənlik” və “çoxsaylı ev heyvanına cinsi təcavüz edib öldürmə” cinayətlərindən ibarət iddianamə tərtib olunaraq 17,5 ilə qədər həbs cəzası tələb edilib.
İddianamədə qeyd olunur ki, şübhəli sosial şəbəkələrdə yayılan pulsuz sahibləndirmə elanları vasitəsilə ümumilikdə 8 balaca küçük alıb. Bu balaca itlərə evində cinsi təcavüz edib, sonra isə parçalayaraq öldürüb. Daha sonra itlərin cəsədlərini zibil torbalarına qoyub və evdən çıxararaq izlərini gizlətməyə çalışıb.
Evində aparılan axtarış zamanı öldürülmüş itlərə aid tük parçalarını 7 qrupa ayırıb saxladığı, bəzi sümük parçalarını isə həyətə basdırdığı məlum olub. Şübhəlinin qardaşı ilə yazışmalarında ailənin bu vəziyyətdən xəbərdar olduğu və qardaşının müdaxilə etməyə çalışdığı, lakin Dumanın buna baxmayaraq hərəkətlərinə davam etdiyi bildirilir.
Daha sonra Dumanın kompüterində və rəqəmsal cihazlarında heyvanlara qarşı cinsi istismar xarakterli 43 minə yaxın müstəhcən görüntü aşkar edilib. Bu səbəbdən ona “müstəhcənlik” və “çoxsaylı ev heyvanına cinsi təcavüz edərək qəsdən öldürmə” maddələri ilə 17,5 ilə qədər həbs cəzası verilməsi tələb olunur.
