Ötən il Azərbaycanda 531 körpə ölü doğulub.
"Report"un əldə etdiyi məlumata görə, bu barədə "Azərbaycanda uşaqlar" adlı statistik məcmuədə bildirilib.
Keçən il perinatal dövrdə (dölün bətndaxili həyatının 22-ci tam həftəsindən başlayır - red.) ölənlərin sayı 1 837 döl təşkil edib. Perinatal ölümün əmsalı isə hər 1 000 doğulana 16,2 nəfər olub.
Bundan başqa, həmin müddətdə 7 günədək ömür sürən körpə sayı 1 306-dir.
Həmçinin ölkədə ötən il üzrə bir yaşadək 2 039 körpə ölümü baş verib və bunun 1 317-si şəhər, 722-si isə kənd yerlərində qeydə alınıb. Beş yaşadək ölən uşaqların sayı 2 395 olub ki, bunun da 1 329-u oğlan, 1 066-sı qızdır.
Eyni zamanda ötən il Azərbaycanda 33 ana ölümü faktı qeydə alınıb. Bu göstərici hamiləlik, doğuş və zahılıq dövründə ölən anaları əhatə edib.
Məlumat üçün bildirək ki, 2022-ci ildə ana ölümlərinin sayı 18 olub.
