Ötən gün Kür çayında batan 17 yaşlı Gülnaz Məmmədovun faciəvi ölümünün bəzi detalları bilinib.
Teleqraf-ın Qərb bürosu xəbər verir ki, mərhum 10 yaşından kiqboksinq idman növü ilə məşğul olub. Dəfələrlə rayon çempionu, müxtəlif yarışların mükafatçısı, ikiqat Azərbaycan çempionu olub. İlkin məlumata görə, hadisə zamanı G.Məmmədova 6 yaşlı qardaşını xilas etmək istəyərkən suda boğulub.
Məlumat üçün bildirək ki, hadisə Samux rayonunun Yenikənd kəndində baş verib. Ailə həmin əraziyə istirahət üçün gəlibmiş.
Kür çayının Samux rayonundan keçən hissəsində 17 yaşlı qız batıb.
Teleqraf-ın Qərb bürosu xəbər verir ki, hadisə çayın Yenikənd kəndindən keçən hissəsində qeydə alınıb.
Gəncə şəhərinin Məhsəti qəsəbə sakini olan 2009-cü il təvəllüdlü Gülnaz Məmmədovanın tapılması üçün əraziyə Fövqəladə Hallar Nazirliyinin (FHN) Kiçikhəcmli Gəmilərə Nəzarət və Sularda Xilasetmə Dövlət Xidmətinin xilasediciləri cəlb olunub.
Hazırda FHN əməkdaşları tərəfindən axtarış-xilasetmə tədbirləri davam etdirilir.
