Ucarda baş verən yol-nəqliyyat hadisəsi nəticəsində bir nəfər ağır bədən xəsarətləri alıb.
Teleqraf-ın yerli bürosunun məlumatına görə, hadisə Yuxarı Şilyan kəndi yaxınlığında qeydə alınıb. İdarəetməni itirən minik avtomobili yol kənarındakı maneələrə çırpılıb.
Nəticədə avtomobilin sürücüsü, 1986-cı il təvəllüdlü rayon sakini Qasımov Elvin Bəxtiyar oğlu müxtəlif dərəcəli sınıq və digər bədən xəsarətləri ilə dərhal xəstəxanaya çatdırılıb. Onun vəziyyətinin ağır olması səbəbilə sonra Göyçay Rayon Mərkəzi Xəstəxanasına köçürüldüyü bildirilib.
Faktla bağlı araşdırma aparılır.
