Onlayn qəzet

Digər kateqoriyalar

Uzunqulaqlara toy etdilər: “Bal ayı”na gedən heyvanlar?!

06:35 07.05.2024 Hadisə 561
  Türkiyənin Antalya bölgəsində qəribə hadisə yaşanıb. Antalyanın Qumluca əyalətində uzunqulaqlar “evləndirilib”. “Sherg.az” Türkiyə mediasına istinadən xəbər verir ki, Qumluca sakinləri nəsli kəsilməkdə olan eşşəklərin qorunması, canlı aləmin müxtəlifliyinin inkişafı naminə erkək və dişi eşşəklərə rəmzi nikah və toy mərasimi təşkil ediblər. Erkək eşşəyə “bəylik”, dişiyə isə “gəlinlik” geyindirilib, güllərlə, çiçəklərlə bəzədilib. Nikah mərasimindən sonra isə eşşəklər traktora mindirilib və “bal ayı”na yola salınıblar. Rəmzi nikah mərasimi Qumlucanın Ortaköy məhəlləsində düzənlənib. Məhəllə sakinləri özləri də bəzənib mərasimdə iştirak ediblər. Mərasimə xalq musiqisi sənətçisi Aydın da dəvət edilib. Dişi eşşəyin mindirildiyi traktorun qarşısını kəsənlərə adətə uyğun bəxşiş – pul da verilib. Mərasimdə nikah məmuru, şahidlər də iştirak edib. Məhəllə sakinlərinin şahidliyi ilə eşşəklərə nikah kəsilib. Nikah kəsildikdən sonra kəndin muxtarı Həlimə Qaya eşşəklərə qızıl boyunbağı, Qumluca Ziraət Odası başqanı Hidayət Kökce isə nal taxıb. Mərasimə toplaşmış sakinlər də eşşəklərə xonçalarda gətirdikləri kök, kələm, xiyar, ot yediriblər. Hidayət Kökce, “keçmişdə bizim yükümüzü çəkən, xırmanda, dəyirmanda bizə xidmət göstərən, bazarlıqlarırmızı daşıyan, traktorlara qoşulan bu heyvanların nəsli tükənmək üzrədir. Gənclərimiz eşşək görməyib. Bundan sonra görə biləcəkləri də çətindir. Bu rəmzi nikah mərasimi təsərrüfatda, ev işlərində zamanında ən yaxın köməkçimiz olmuş heyvanları nəsli kəsilməkdən xilas etmək, biomüxtəlifliyi qorumaq, canlı aləmin bir parçası olan eşşəkləri qorumaqdır. Qarşıdakı illərdə eşşəkləri ancaq kitablarda, şəkillərdə axtarmayaq deyə, onları bu gün qorumalıyıq”, deyib. Ortaköy məhəllə muxtarı Həlimə Kaya da “bu heyvanların simvolik nikah mərasimini keçiririk. Bu zəhmətkeş heyvanları qoruyaq, onları sevək, övladlarımıza tanıdaq”, söyləyib. Xalq sənətçisi Aydın isə illərdir ki, hər il yaz aylarında təbiətlə halallaşdığını deyib: “Bu il də eşşəklərlə duet oxumuşam. Onların nəsli tükənmək üzrədir. İnsanlar bu heyvana həqarət edir, təhqir edir, bəyənmədikləri insanı bu heyvana bənzədirlər. Halbuki eşşək çox ağıllı, zəhmətkeş, qədirbilən heyvandır. Eşşəklər bizə yol göstərib daim. Gözləri çox gözəldir. Əziyyətimzi çəkiblər daim. Onlara borcluyuq. Boynumuzda haqları var. Övladlarımız eşşəkləri tanımır daha. Heç bir məlumatları yoxdur. Bu heyvanı tanıtmalıyıq ki, övladlarımız da hansı heyvanların insana dost olduğunu bilsinlər”.

Oxşar xəbərlər

Sankt-Peterburqda avtomobil partladı: hərbçi öldü, həyat yoldaşı yaralandı
Sankt-Peterburqda avtomobil partladı: hərbçi öldü, həyat yoldaşı yaralandı
16:17 27.08.2026
Hava Limanında sərnişində narkotik vasitə aşkarlanıb
Hava Limanında sərnişində narkotik vasitə aşkarlanıb
15:35 27.08.2026
Bakı və Sumqayıtda köməksiz vəziyyətdə qalan şəxslər xilas edildi
Bakı və Sumqayıtda köməksiz vəziyyətdə qalan şəxslər xilas edildi
11:45 27.08.2026
Suyun səviyyəsinin azalması balıqların ölümünə səbəb olub
Suyun səviyyəsinin azalması balıqların ölümünə səbəb olub
11:39 27.08.2026
Nepal və Tibetdə sürüşmə nəticəsində 1500-ə yaxın insan itkin düşüb
Nepal və Tibetdə sürüşmə nəticəsində 1500-ə yaxın insan itkin düşüb
10:11 27.08.2026
Cinayət işi: Könül Kərimovanın da adı hallanır – DETALLAR
Cinayət işi: Könül Kərimovanın da adı hallanır – DETALLAR
09:48 27.08.2026

Xəbər lenti

Hamısına bax