“Həbs olunanlar arasında qızın ögey atası da var”.
Bakupost.az xəbər verir ki, bunu“Azərbaycan Uşaqları” İctimai Birliyinin sədri Kəmalə Ağazadə deyib.
“Cinsi zorakılığa məruz qalan qızın 11 yaşlı qardaşı da var. Yəqin 2 gün ərzində azyaşlılar sığınacağa yerləşdiriləcək. Daha sonra biz reabilitasiya işinə başlayacağıq. Əminliklə deyə bilərəm ki, bu hadisədə 4 yox, daha çox adam həbs olunacaq. Çünki istintaq nəticəsində müəyyən məsələlərə aydınlıq gətiriləcək. Hazırda uşaqlar Yardımlı Rayon İcra Hakimiyyətinin nəzarətdədirlər, onlara qəyyum təyin olunub” - Birlik sədri bildirib.
Kəmalə Ağazadə cinsi zorakılığa məruz qalan qızın valideynləri haqda da danışıb:
“Ana həbs olunub, ata yoxdur, bildiyim qədər ilə ögey ata da saxlanılanlar arasındadır. Kim nə edibsə, cəzasını alacaq. Burada təhsildən yayınma, uşağa qarşı digər hallandırılan cinayət faktları var. Ailə əslən Yardımlıdan deyil, bura başqa yerdən gəliblər. Biz dəfələrlə vurğulamışıq ki, yaşayış yeri xəritəsi yaradılmalıdır. Yaşayış yerini dəyişənlərin xəritəsi olmalıdır. Onlar müvəqqəti də olsa qeydiyyata götürülməlidirlər ki, ərazidə kimin yaşadığı, haradan gəldiyi məlum olsun. Belə olan halda qanun pozuntusunun qarşısını almaq olar”.
Qeyd edək ki, Yardımlı rayonunda məktəbli qıza qarşı cinsi zorakılıq və fahişəliyə cəlb etmə cinayətləri törədilib.
Aparılan istintaq çərçivəsində qızın anası da daxil olmaqla 4 nəfər həbs olunub.
Faktla bağlı başlanılan cinayət işi üzrə istintaq hərəkətləri davam etdirilir.
