Rusiya ordusu Sumı vilayətində kiçik hücum qrupları ilə əraziləri genişləndirməyə davam edir.
Teleqraf xəbər verir ki, bu barədə Ukrayna Sərhəd Xidmətinin sözçüsü Andrey Demçenko teleqram üzərindən verdiyi açıqlamada bildirib.
Məlumatda qeyd olunub ki, ən fəal istiqamətlərdən biri Basovka və Juravka yaşayış məntəqələridir: "Son günlər Rusiya ordusu bu taktikanı tətbiq etdiyi əraziləri genişləndirmək məqsədilə daha intensiv hücumlar həyata keçirir".
Demçenko Rusiya Silahlı Qüvvələrinin hücum qruplarının hədəflərinə əvvəlcədən artilleriya, pilotsuz uçuş aparatları və təyyarələrdən zərbələr endirildiyini qeyd edib. Bununla yanaşı, son məlumatlara görə, Rusiya ordusu Sumı vilayətində Vladimirovka və Belovodı kəndlərini ələ keçirib.
Bu vəziyyət bölgədəki gərginliyi artırır və Ukrayna qüvvələrinin müdafiə tədbirlərini gücləndirməyə vadar edir.
