Almaniya nəhəngi “Bavariya”nın futbolçusu Yozua Kimmix 300-cü oyununda 218-ci qələbəsini qazanaraq yeni rekorda imza atıb.
Teleqraf xəbər verir ki, 29 yaşlı yarımmüdafiəçi buna Bundesliqanın V turunda “Bavariya”nın doğma meydanda “Verder” üzərində 4:0 hesablı qələbə qazandığı matçda nail olub.
Kimmix liqa tarixində ilk 300 qarşılaşmasında ən çox qələbə qazanan futbolçu olub. Buna qədər heç bir oyunçu belə göstəriciyə çatmayıb.
Qeyd edək ki, Yozua Kimmix 2015-ci ildən “Bavariya”nın formasını geyinir.
