Bu gün UEFA Avropa Liqasında Liqa mərhələsinin sonuncu – VIII turunun oyunları keçirilib.
Apasport.az xəbər verir ki, Türkiyə klubları “Beşiktaş” “Tvente”nin, “Qalatasaray” “Ayaks”ın, “Fənərbaxça” isə “Midtyullan”ın qonağı olub.
"Qara qartal"ın matçı olduqca gərgin keçib. Komanda səfərdə məğlub olub - 0:1. Bu nəticə ilə "Beşiktaş" turnirlə vidalaşıb.
"Qalatasaray" "Ayaks"ı sınağa çəkib. Niderlandlıların dominant olduğu matçda "Ayaks" 2:1 hesabı ilə qələbə qazanıb. “Sarı-qırmızılılar”ın gücü yalnız təsəlli qoluna çatıb. Viktor Osimhen fərqlənib.
Digər Türkiyə təmsilçisi "Fənərbaxça" isə səfərdə "Midtyullan"ın qonağı olub. "Sarı-lacivərdlilər" 0:1 hesabı ilə geri düşsələr də, Yusif En-Nesrinin və Edin Cekonun qolları ilə önə çıxıblar. Lakin "Fənər" bu hesabı qoruya bilməyib. Görüş 2:2 hesablı heç-heçə ilə bitib.
UEFA Avropa Liqası
Liqa mərhələsi
VIII tur
30 yanvar
00:00. “Midtyullan” (Danimarka) - "Fənərbaxça" (Türkiyə) 2:2
00:00. "Ayaks" (Niderland) - "Qalatasaray" (Türkiyə) 2:1
00:00. “Anderlext” (Belçika) - “Hoffenhaym” (Almaniya) 3:4
00:00. “Roma” (İtaliya) - “Ayntraxt” (Almaniya) 2:0
00:00. "Atletik" (İspaniya) - “Viktoriya” (Çexiya) 3:1
00:00. "Braqa" (Portuqaliya) - "Latsio" (İtaliya) 1:0
00:00. "Dinamo" (Ukrayna) - RFS (Latviya) 0:0
00:00. FCSB (Rumıniya) - "Mançester Yunayted" (İngiltərə) 0:2
00:00. “Ferentsvaroş” (Macarıstan) - AZ (Niderland) 4:3
00:00. "Lion" (Fransa) - “Ludoqorets” (Bolqarıstan) 1:1
00:00. “Makkabi” (Təl-Əviv, İsrail) - "Portu" (Portuqaliya) 0:1
00:00. "Nitsa" (Fransa) - “Budyo Qlimt” (Norveç) 1:1
00:00. "Olimpiakos" (Yunanıstan) - "Qarabağ" (Azərbaycan) 3:0
00:00. “Reyncers” (Şotlandiya) - “Yunion” (Belçika) 1:0
00:00. "Real Sosyedad" (İspaniya) - PAOK (Yunanıstan) 2:0
00:00. "Slaviya" (Çexiya) - “Malmö” (İsveç) 2:2
00:00. "Tottenhem" (İngiltərə) - "Elfsborq" (İsveç) 3:0
00:00. "Tvente" (Niderland) - "Beşiktaş" (Türkiyə) 1:0
