Cəsarətli gedişləri ilə qələbədə əsas rol oynayan Sergen Yalçın böyük alqış qazanıb
"Beşiktaş"ın baş məşqçisi Sergen Yalçın cəsarətli və gözlənilməz gedişləri ilə "Başakşehir" oyununa damğa vurdu. Rafa Silva və Abraham oyundan çıxdıqdan sonra El Bilal Toure və Cengiz Ünderin vurduğu qollar “Qartal”ı qələbəyə daşıyıb.
Sherg.az xəbər verir ki, "Beşiktaş"da Ole Gunnar Solskjaerin yerinə vəzifəyə gətirilən baş məşqçi Sergen Yalçın, "Alanyaspor" səfərindən xalsız ayrıldıqdan sonra ilk qələbəsini "Başakşehir" qarşısında qazanıb. "Ağ-qara" komandanın baş məşqçisi kimi 1386 gündən sonra Dolmabahçəyə çıxan Yalçın ikinci hissədəki “sehrli qərarları” ilə oyuna damğa vurub.
71-ci dəqiqədə yediyi gözlənilməz qolla geri düşən “Qartal”da Sergen Yalçın 73-cü dəqiqədə Rafa Silvanı Cengiz Ünderlə əvəz edib. Cengizi sağ cinahda oynadan Yalçın Vaclav Çernini 10 nömrə mövqeyinə çəkib. "Beşiktaş" cəmi bir dəqiqə sonra Çerninin ötürməsində El Bilal Tourenin qolu ilə hesabı bərabərləşdirib.
Qələbəni hədəfləyən Sergen Yalçın 82-ci dəqiqədə gündəmində olmayan Abrahamın yerinə Milot Raşiçanı meydana buraxaraq El Bilal Toureni hücumçunun (mərkəz hücumçu) mövqeyinə çəkib. Qırmızı vərəqə alaraq rəqib 10 nəfərlə qaldıqdan sonra təzyiqi daha da artıran "Beşiktaş", Salihin yerinə oyuna girən Demir Egenin ötürməsi ilə Cengizin qolunu ilə qələbəyə çatıb.
Cəsarətli gedişləri ilə qələbədə əsas rol oynayan Sergen Yalçın böyük alqış qazanıb. Xüsusilə Yalçının “Verin mənə, çox deyil, bir ayda liqanın ulduzu edərəm” dediyi Cengizin qələbə qolunu vurması təcrübəli məşqçini haqlı çıxarıb.
