Belarus və Azərbaycan milli komandaları arasında UEFA Millətlər Liqasının qrup oyununun keçirilmə yeri bəlli olub.
Oxu.Az UEFA-nın saytına istinadən xəbər verir ki, C Liqasının 3-cü qrupunun II turu çərçivəsində baş tutacaq qarşılaşmanın Belarusda keçiriləcəyi dəqiqləşib.
Belə ki, matç Minsk “Dinamo”sunun ev oyunlarını keçirdiyi Milli Olimpiya Stadionunda oynanılacaq. Görüş Bakı vaxtı ilə saat 22:45-də başlayacaq.
Qeyd edək ki, Belarusdakı ictimai-siyasi vəziyyətlə əlaqədar sözügedən oyunun neytral ölkədə təşkili gözlənilirdi. Çünki ötən ilin iyununda UEFA öz turnirlərinin bu ölkədə təşkilindən imtina edib. Bu addım Avropa Birliyinin Belarusda İrlandiyaya məxsus “Rayaneyr”ə məxsus təyyarə ilə bağlı insidentlə əlaqədar qərara dəstək üçün verilib. Qitə futbol qurumu 2021-ci ildə bu ölkədə heç bir yarışın olmayacağını açıqlayıb. Nəticədə Belarus yığması dünya çempionatının seçmə mərhələsindəki rəqiblərini Rusiyanın Kazan şəhərində qəbul etməli olub.
