Keçmiş futbolçu və şərhçi Ümit Davala "Qalatasaray"ın "Başakşəhər"ə 2:1 hesabı ilə qalib gəldiyi oyunu dəyərləndirib.
Bakupost.az Türkiyə KİV-ə istinadən xəbər verir ki, "sarı-qırmızılar"ın İkardisiz oyununu dəyərləndirən Davala argentinalı ulduzun yoxluğunun komandaya təsiri ilə bağlı diqqətçəkən iddia ilə çıxış edib.
"İkardinin yoxluğu artıq ona çox təsir etmir. Okan Burukun gözü həmişə meydanda İkardini axtarır, amma indi hamı onun yoxluğunu qəbul edib. İkardi 2-3 həftə sonra komandaya dönsəydi, "İkardi tez gəlsin" deyəcəkdiniz, amma söhbət 5-6 aylıq müddətdən gedir. Meydanda heç kim İkardi haqqında çox düşünmür".
