Süper Liqada “Qalatasaray” və “Beşiktaş”la çempionluq sevinci yaşayan, 2017-2019-cu illər arasında Türkiyə millisini çalışdırmış rumın baş məşqçi Mirça Lüçesku, bir türk futbolçunu Rumıniya yığmasına qazandırmağa çalışdığını etiraf edib.
Sherg.az xəbər verir ki, Rumıniya mediasından "Fanatik.ro" saytına danışan Mirça Lüçesku bildirib ki, hazırda “Alanyaspor” klubunun müdafiəçisi Ümit Akdağı milli komandaya cəlb etmək üçün Türkiyəyə gəlib:
“Akdağla danışdım, onu inandırmağa çalışdım, amma alınmadı. ‘Bir az daha düşün" dedim, çünki hələ də Türkiyədən dəvət gözləyir. Amma orada oynaması çox çətindir. Mənim dövrümdə Türkiyə millisində oynayan müdafiəçilər — məsələn, Dəmiral və Çağlar kimi - hələ də əsas heyətdədirlər.”
Lüçesku əlavə edib:
“Ona dedim ki, Türkiyə millisində yer tapmaq çətindir, amma Rumıniyada oynamaq imkanı var - ən azı Drăgușin qayıdana qədər. Mənə ailəsi ilə danışdığını söylədi. Burada doğulub, amma ailəsi türkdür. Buna görə də təbii olaraq bir vaxt köklərinə dönmək istəyir. O, Türkiyə millisində çıxış etmək arzusundadır.”
Lüçesku yalnız Ümit Akdağla deyil, daha əvvəl Raul Florucz və Daniel Boloca kimi futbolçuları da Rumıniya millisində oynamağa razı salmağa çalışıb, lakin hər iki futbolçu bu təklifi rədd edib.
Ümit Akdağ bundan əvvəl Rumıniya U-21 yığmasının heyətində 10 oyuna çıxıb və 2 qol vurub.
