Misirli məşhur futbolçu, hazırda İngiltərənin “Liverpul” komandasında əsas heyətdə oynayan Məhəmməd Salah Qəzzaya növbəti dəstək mesajı paylaşıb. Futbolçu “Liverpul” tərəfdarlarının mənfi münasibət ilə qarşılaşacağını bilərək, hətta komandadan qovulma təhlükəsini də gözə alaraq fələstinlilərin yanında olduğunu bir daha bəyan edib.
“Sherg.az” “Sabah.com.tr”yə istinadən bildirir ki, misirli futbolçu sosial şəbəkə üzərindən etdiyi paylaşımında Yeni İl bayramını kədərlə qarşıladığını yazıb: “Qəzzada yaşananlar unudulmamalıdır. Bu il də yen ilə Orta Şərqdə davam edən dəhşətli müharibə, xüsusən Qəzzadakı ölüm və dağıntılarla bərabər, dərin üzüntü ilə daxil olduq. Lütfən, baş verənləri unutmayın, bu acılara vərdiş etməyin”. Misir Qızıl Aypara Cəmiyyətinin icraçı direktoru Rami en-Nazar isə qeyd edib ki, M.Salah Qəzza xalqına maddi yardım edib.
