"Qalatasaray" gələn ay "Bavariya" ilə müqaviləsi başa çatan Leroy Saneni transfer etmək istəyir.
Sportal.az xəbər verir ki, İstanbul nəhəngi artıq almaniyalı vingerlə danışıqlara başlayıb. Bu barədə "Sky Sports" televiziyası məlumat yayıb.
"Qalatasaray" Saneyə illik 12 milyon avro maaş təklif edib. "Sarı-qırmızılar" 29 yaşlı futbolçunun cavabını gözləyir.
Qeyd edək ki, Almaniya millisinin üzvü olan Leroy Sane başa çatan mövsümdə "Bavariya"nın heyətində meydana çıxdığı 45 rəsmi matçda 13 qol və 6 məhsuldar ötürmə ilə yadda qalıb.
