İngiltərənin "Mançester Siti" klubunun ispaniyalı baş məşqçisi Pep Qvardiola komandasının oyun tərzi ilə bağlı danışıb.
Teleqraf xəbər verir ki, 54 yaşlı mütəxəssis klubun rəsmi saytına açıqlamasında oyun fəlsəfəsini dəyişməyəcəyini qeyd edib.
"Mən heç vaxt, heç vaxt oyun üslubumla bağlı inancıma xəyanət etməyəcəyəm. Əgər top meydançaya qayıdırsa, mən sürətli hücum etmək istəyirəm. Rəqib pressinq edəndə, fərdi şəkildə oynayanda və biz ilk pressinqi qıranda, mən sürətli hücum etmək istəyirəm. Amma bundan sonra mən milyonlarla darıxdırıcı, bezikdirici paslar etməyi çox sevirəm. Mənim xoşuma gəlir ki, komandam topa nəzarət etsin və oynasın, oynasın, oynasın” - deyə, Qvardiola qeyd edib.
Qeyd edək ki, “Mançester Siti” Premyer Liqanın III turunda səfərdə "Brayton"la qarşılaşacaq.
