Serxio Ramosun "Real"dan ayrılmasından sonra onun komandadakı forma nömrəsi hələ də sahibsiz qalır.
Qol.az xəbər verir ki, bu barədə "Marca" məlumat yayıb. Keçmiş kapitandan sonra "Real"ın heç bir futbolçusu 4 nömrəli forma ilə çıxış etmək üçün kluba müraciət etməyib.
Həmçinin eyni hal İspaniya millisi üçün də keçərlidir. Heç kim Ramosun geyindiyi 15 nömrəli formanı daşımaq istəməyib.
Qeyd edək ki, Ramos "Real"dan ayrıldıqdan sonra PSJ-yə keçib.
