Türkiyənin Milliyyətçi Hərəkat Partiyasının (MHP) sədri Dövlət Baxçalı vətəndaşları küçə aksiyalarına çağıran Cümhuriyyət Xalq Partiyasının (CHP) rəhbəri Özgür Özələ xəbərdarlıq edib.
Sherg.az Teleqraf-a istinadla xəbər verir ki, o, həmkarını İstanbul bələdiyyəsi ilə bağlı aparılan istintaqa hörmət etməyə çağırıb.
“İstintaqa hörmət edin, öz partiyanızda oturun”, - Baxçalı bildirib.
Xatırladaq ki, CHP sədri bundan əvvəl bütün Türkiyə vətəndaşlarını iftardan sonra meydan və küçələrə çıxmağa çağırıb. Çağırış İstanbul bələdiyyəsinin sədri Əkrəm İmamoğlunun saxlanılması ilə əlaqədar edilib.
Martın 19-da İstanbul bələdiyyəsinin 100-dən çox əməkdaşına qarşı terror təşkilatına yardım və korrupsiya ittihamları ilə İstanbul Baş Prokurorluğu tərəfindən istintaq başladılıb. İstintaq çərçivəsində saxlanılanlar arasında Əkrəm İmamoğlu da var.
