NATO-nun Baş katibi Mark Rutte Qrenlandiyanın Danimarka tərkibində qalmasına tərəfdardır.
Teleqraf xəbər verir ki, Baş katib bu barədə Brüsseldə keçirdiyi mətbuat konfransında bildirib.
O, Rusiya və Çinə qarşı mübarizədə NATO ölkələrinin fəal əməkdaşlığının vacibliyini vurğulayıb. Rutte ABŞ daxil olmaqla, bütün NATO Arktika ölkələrinin bu regionda birgə çalışmalı olduğunu qeyd edib. Eyni zamanda NATO ölkələrinin buzqıran gəmilərinin çatışmazlığı məsələsinə də diqqət çəkib, bu sahədə daha çox əməkdaşlıq edilməsinin zəruriliyini bildirib. Bu açıqlamalar Arktikada strateji əhəmiyyətli mövqelər və qüvvələrin daha effektiv yerləşdirilməsi üçün NATO-nun ümumi təhlükəsizlik siyasətinin bir hissəsi kimi qiymətləndirilə bilər.
