Son illər şou məkanımıza daxil olan yeni simaların sayı çoxalıb. Xüsusilə də müğənnilik sənətinə maraq artıb. Yaxşı səs və ifa etmə bacarığına malik olan hər kəs öz ixtisasını bir kənara qoyub, sənətə gəlmək istəyir. Maraqlıdır, şou biznesin içərisində də peşəsini dəyişənlər var. Kimisi aktyorluqdan, kimisi isə aparıcılıqdan müğənniliyə keçid edir. Buna misal olaraq, aparıcılar Zaur Baxşəliyev, Mikayıl Gülləddinoğlu, Nanə Ağamaliyevanı göstərə bilərik.
Bəs görəsən sənətkarlar bu barədə nə düşünür?
Məsələ ilə bağlı “Sherg.az”a danışan sevilən muğam ifaçısı, xaql artisti Səkinə İsmayılova söyləyib ki, ürəkləri istəyir, oxuyurlar:
“Əsas xalqdır, məsələ camaatın fikrinə qalıb. Mənim münasibətimlə nə dəyişəcək ki ? Burda elə bir qəbahət görmürəm. Həm aparıcılıq edir, həm oxuyurlar. Öz sevənləri, çevrələri, izləyiciləri var, auditoryalarını nəzərə alırlar. Səhnədə aparıcılıq edirsə, oxuya da bilərlər. Lap yaxşı, müsbət yanaşıram. “
