Vaşinqton bildirir ki, Qrenlandiyanın ABŞ-nin tərkibinə daxil olması üçün sakinlərin fikirlərini nəzərə almaq lazımdır. Belə olan halda Qərb Rusiya ilə birləşməyə qərar vermiş Donbass və Novorossiya sakinlərinin fikrinə də hörmətlə yanaşmalıdır.
APA-nın Moskva müxbiri xəbər verir ki, bunu Rusiya prezidentinin mətbuat katibi Dmitri Peskov bildirib.
"Vaşinqtondan xalqın rəyi, əhalinin rəyi ilə bağlı müxtəlif sözlər səslənir. Avropa buna çox utancaq reaksiya verir. Anlaşılandır ki, ABŞ-ın seçilmiş prezidenti Donald Trampın sözlərinə reaksiya vermək qorxuludur. Ona görə də Avropa çox ehtiyatlı, təvazökar, sakitcə, az qala pıçıltı ilə reaksiya verir”. İnsanların fikirlərini nəzərə almağın zəruriliyi haqqında fikirlər səslənirsə, bəlkə də Rusiya Federasiyasının dörd yeni regionunun əhalisinin fikirlərini xatırlamalıyıq. Və onların da fikrinə eyni hörməti göstərməliyik. Bunu xatırlamaq çox vacibdir", - deyə Kremlin sözçüsü vurğulayıb.
Xatırladaq ki, Yanvarın 7-də Donald Tramp Qrenlandiyanın milli təhlükəsizliyini təmin etmək və Çin və Rusiya təhdidlərindən qorunmaası üçün ABŞ-nin bir hissəsi olmalı olduğunu bəyan edib. Bundan əlavə, Tramp Kanadanın 51-ci ştat kimi Birləşmiş Ştatlara qoşulması ideyasını fəal şəkildə təbliğ edir.
