Ukrayna 2025-ci ildə sülh sazişi imzalayaraq, bir neçə ərazisindən imtina edəcək.
Axar.az xəbər verir ki, bunu “Faynənşl Tayms” qəzeti yazıb.
Nəşrin yazdığına görə, bu, ölkənin gələcəkdəki təhlükəsizlik zəmanətləri ilə bağlı əldə edəcəyi bir razılaşma olacaq. Ukrayna öz ərazilərini itirsə də, əldə edəcəyi təhlükəsizlik zəmanətləri və beynəlxalq dəstək sayəsində yeni bir status-kvo yaradılacaq. Bu müqavilə, həmçinin NATO üzvlüyü məsələsini də qeyri-müəyyən müddətə təxirə salacaq.
Proqnozlara görə, Ukrayna lideri Vladimir Zelenski Rusiya Silahlı Qüvvələrinin işğal etdiyi ərazilər üzərində hüquqi deyil, amma faktiki nəzarəti qəbul etməyə məcbur olacaq.
“Kiyev əraziləri ABŞ dəstəyi ilə Avropa təhlükəsizlik zəmanətləri müqabilində təhvil verəcək, amma ölkənin NATO-ya üzv olması müvəqqəti olaraq dayandırılacaq”, - qəzetinin müəllifləri belə düşünür.
Bundan əvvəl “Die Velt” qəzeti də yazmışdı ki, hazırda Ukrayna hərbi baxımdan çox zəifləyib və gələn il danışıqlara getməyə məcbur olacaq, burada yeganə çıxış yolu ərazi güzəştləridir.
