Pakistan məhkəməsi ölkənin keçmiş baş naziri, müxalif “Ədalət Hərəkatı” partiyasının lideri İmran Xan və onun həyat yoldaşı Büşra Bibi 14 il həbs cəzası alıb.
APA Dawn qəzetinə istinadən xəbər verir ki, o, korrupsiya və xaricdən hədiyyələrin satışı ilə bağlı cinayət işi üzrə məhkum edilib.
Xatırladaq ki, daha əvvəl İmran Xan və keçmiş xarici işlər naziri Şah Mehmud Qureşi dövlət sirri haqqında qanunu pozmaqda ittiham olunaraq xüsusi məhkəmə tərəfindən 10 il müddətinə azadlıqdan məhrum edilib.
O 2018-2022-ci illərdə Pakistan hökumətinə rəhbərlik edib. Keçmiş hökumət başçısı 2022-ci il aprelin 10-da ona qarşı verilən etimadsızlıq səsverməsi nəticəsində vəzifəsindən kənarlaşdırılıb.
