Su həyatımızın təməli və ayrılmaz bir parçasıdır. Qarşıdan yaz və yay ayları gəlir. Bu aylarda çoxlu su içməliyik. Aşağıdakı araşdırmada su içməyi daha əyləncəli və ləzzətli hala çevirəcək məlumatlar verəcəyik.
Limon və çiyələk
Qrafinə yaxud böyük bir stəkana yarım limon və bir neçə doğranmış çiyələk atın. Göz qərarı su ilə doldurun. Zövqə görə nanə, rozmarin(bibəriyə bitkisi) əlavə edərək qarışdırıb bir az gözləyin.
Ananas və nanə
Ananas və nanəni bir qrafinə doğrayın. Sonra istədiyiniz miqdarda su əlavə edib qarışdırın.
Moruq və yaşıl limon
Limonu incə halqalar şəklində doğrayın. Stəkanın yarısı qədər moruq, limon və zövqə görə su əlavə edib qarışdırın.
Böyürtkən və adaçayı bitkisi
Bir neçə ədəd adaçayı və bir ovuç böyürtkəni qrafinə atın və su töküb qarışdırın.
Portağal, ananas və zəncəfil
Ananasın yarısını dilimləyin. Daha sonra bir yemək qaşığı qədər zəncəfili qrafinə tökün. Portağalın yarısını da dilimləyib, su əlavə edin. Sonda isə qarışdırın.
Xiyar və nanə
Bir ədəd xiyarı incə-incə dilimləyin. Daha sonra bir neçə yarpaq nanəni qrafinə doğradığınız xiyar dilimləri ilə birgə töküb su ilə qarışdırın.
Meyvəli buz
Hər hansı bir meyvəni küp şəklində doğrayın. Sonra buz qabına yerləşdirib üzərinə su tökün. Meyvəli buzlar donduqdan sonra içəcəyiniz suya istədiyiniz qədər əlavə edin.
