Günün ən vacib yeməklərindən biri kimi tanınan səhər yeməyində bədəninizi yormamaq üçün sağlam qidalardan istifadə etməlisiniz. Səhər süfrələrinin vazkeçilməzi və sağlam olaraq bilinən bu qida həddindən artıq istehlak edildikdə böyrəkləri yorur. Həddindən artıq natrium və fosfor ehtiva edən məhsullar bəzən böyrəklərinizə zərər verir və böyrək daşlarına yol açır.
Səhər süfrələrinin vazkeçilməz qidalarından biri olan pendir sağlamlığa faydaları ilə tanınır.
Kalsium, zülal və müxtəlif vitaminlərlə zəngin olan pendir sümük sağlamlığını dəstəkləyir, əzələlərin inkişafına töhfə verir və ümumi sağlamlığımız üçün mühüm qida mənbəyidir. Ancaq işlənmiş pendirlər sağlamlığınıza zərər verə bilər.
`Pendir ümumiyyətlə sıx bir kalori mənbəyidir. Xüsusilə yağlı pendirlər yüksək kalorili olur. Həddindən artıq istehlak edildikdə adamı kökəldir. Bəzi pendirlərdə yüksək miqdarda doymuş yağ olur. Bu növ yağlar xolesterol səviyyəsini yüksəldə və ürək sağlamlığına zərər verə bilər. Ürək xəstəliyi riski olan insanlara yağlı pendirləri məhdudlaşdırmaq tövsiyə edilir.
Pendirdə yüksək miqdarda natrium ola bilər. Yüksək natrium istehlakı yüksək təzyiq, ürək problemləri və böyrək xəstəlikləri kimi sağlamlıq problemlərinə səbəb ola bilər.
Bəzi insanlarda laktoza dözümsüzlüyü var, yəni süd məhsulları kimi tərkibində laktoza olan qidalar həzm problemlərinə səbəb ola bilər. Bu insanlar üçün laktozasız və ya aşağı laktoza pendir variantları var.
Süd zülalına və ya digər pendir tərkib hissələrinə allergik reaksiyaları olan bəzi insanlar üçün pendirdə allergen ola bilər. Bu cür allergiya ciddi sağlamlıq problemlərinə səbəb ola bilər.
Mütəxəssislər, "Yüksək natriumlu qidaların və duzlu qoz-fındıq, emal olunmuş pendir və ət məhsulları kimi fast foodların istehlakı, yüksək proteinli pəhrizlər böyrək daşlarının yaranmasına səbəb ola bilər" deyirlər.
Süd məhsulları vitamin və qida maddələri ilə zəngin olsa da, həddindən artıq istehlakı edildikdə zərər verir. Bu, qidalarda olan yüksək fosfor səbəbiylə baş verir ki, bu da böyrəklərdə stress yaradır.Bundan əlavə, böyrəkləriniz düzgün işləmirsə, qanınızdan əlavə fosforu çıxara bilməz, bu da zamanla sümüklərinizin incəlməsinə və zəifləməsinə səbəb olur və sınıq riskini artırır.
Pendir yüksək protein mənbəyidir. Həddindən artıq protein qəbulu isə böyrəklərin daha çox işləməsinə və yorulmasına səbəb olur. Bu, böyrək daşının əmələ gəlməsi riskini də artırır. Böyrək sağlamlığını qorumaq üçün pendir istehlakında balanslı olmaq vacibdir.
