“İstənilən halda koronavirusla bağlı siyasətimiz bərbad haldadır”
Son zamanlar koronavirus testi verən şəxslər arasında şikayətlər çoxalıb. Səbəb isə testin cavabının bir həftəyə, hətta ondan daha gec çıxmasıdır. Maraqlıdır ki, bir neçə ay bundan əvvələ qədər 2 günə cavab verilirdisə, indi niyə 1 həftəyə elan edilir? İş işdən keçəndən sonra hansısa nəticə kimə, nəyə lazımdır?!
Həkim, ictimai-siyasi xadim Zəlimxan Məmmədli mövcud problemləri “Sherg.az”a sadaladı:
“Yəqin, bürokratik əngəllər var. Və bu, normal fəaliyyətə imkan vermir. Ya da, ola bilsin, müraciətlər çoxdur. İstənilən halda koronavirusla bağlı siyasətimiz bərbad haldadır”.
