Ukrayna hər gün itirir! - Zelenski müharibədən uzaqlaşmağa çalışır
Yusif Nəzərli
07:55 16.02.2022
Dünya
520
Kiyev lazım gələrsə NATO-ya üzv olmaq niyyətindən də əl çəkəcək
“Ukrayna müharibədən qaçmaq üçün NATO-ya üzv olmaq istəyindən əl çəkə bilər”. Bu barədə Ukraynanın Böyük Britaniyadakı səfiri Vadim Pristayko deyib. Səfir bildirib ki, problemi həll etməyin ən yaxşı yolunu tapmağa çalışırlar: “Əgər ciddi güzəştlərə getmək lazım gəlsə, bunu edə bilərik”. Ukraynaya hücum olunacağı ehtimal olunan 16 fevral tarixini “Birlik Günü” elan edən prezident Vladimir Zelenski xalqa müraciət edib, Zelenski ölkədən qaçanları yenidən geri çağırıb və onlara 24 saat vaxt verib: “Ukrayna sülh üçün çalışır və bütün məsələləri danışıqlar yolu ilə həll etmək istəyir”. Ukrayna prezidentinin müraciətindən Qərbə inanmadığı və təxribata getmək istəmədiyi bəlli olur.
Son aylar Amerika və digər NATO ölkələri Moskvanı Ukraynaya qarşı işğal hazırlamaqda ittiham edirlər. Rəsmi Moskva isə işğal barədə iddiaları rədd edir.
Tərəflər arasındakı gərginliyi “Şərq”ə dəyərləndirən siyasi elmlər doktoru, professor Cümşüd Nuriyev deyib ki, NATO Ukraynanı üzv qəbul edə bilməz. Professor bildirib ki, qurumun nizamnaməsinə görə, ərazisində münaqişə olan hansısa dövlətin təşkilata daxil olması mümkün deyil:
“Zelenski vəziyyətdən çıxış yolu axtarır və yumşaldıcı açıqlamalar verməsi, sülhdən danışması normal və təbiidir. Amma diplomatlar bəzi məsələlərdə diqqətli olmalı, söylədikləri sözün məsuliyyətini dərk etməlidir. Əksəriyyət Rusiyanın 16 fevralda Ukraynaya “hücum edəcəyinə” inanmır. Çünki bu tarixi Moskva yox, ABŞ və İngiltərə müəyyənləşdirib. Əslində düşünülməmiş bəyanatlar ilk növbədə Ukrayna üçün problem yaradır.
“Müharibə” bəyanatından sonra dövlət məmurları, hətta nazirlər belə ölkəni tərk etməyə başladı. Vəziyyət o qədər kritikləşdi ki, Zelenski məmurlara çağırış etməyə və onlara 24 saat vaxt verməyə məcbur qaldı. Ukrayna prezidenti əvvəllər bu məsələni ciddiyə almırdı. Amma Rusiyanın da öz maraqları, planları var. İndiki şəraitdə Kremlin hərbi təcavüzə əl atacağı inandırıcı deyil. Rusiya bütün dünyanı qarşısına almağa cəsarət etməz. Çin də Moskvanı meydanda tək buraxıb. Rusiyanın Ukraynaya hücum etməsinə əsas yoxdur. Luqansk və Donetskin bir hissəsi rusların nəzarətindədir.
Bölgə əhalisinin 60 faizdən çoxu rusdur. O cümlədən Krım da ruslar tərəfindən ilhaq edilib. Bu qədər məsələyə səs çıxartmayan Ukraynanın indi Rusiya ilə savaşa başlayacağı inandırıcı deyil. Kiyevin ruslarla müharibəyə başlamaq ehtimalı çox zəifdir”.
Oxşar xəbərlər
Xəbər lenti
Hamısına bax
Serbiya parlamentində ikinci gündür yeni sədr seçilə bilmir
23:32 18.11.2026
Dünya
İsrail Qəzzanın mərkəzində əməliyyata başladı
22:54 18.11.2026
Gündəm
Putinlə Trampın görüşü qısa olacaq - Kreml
22:18 18.11.2026
Dünya
Bərdədə piyadanı avtomobil vuraraq öldürüb
21:16 18.11.2026
Hadisə
Ölsəniz belə, sülh olacaq - Ararat Mirzoyan
21:04 18.11.2026
Cənubi Qafqaz
Milli Məclisin sədri Türkmənistana işgüzar səfərə gedib
20:52 18.11.2026
Siyasət
Paşinyanın ən çətin sınağı başlayır - Elçin Alıoğlu
20:31 18.11.2026
Gündəm
Putinlə Tramp arasında APEC sammitində danışıq baş tutmayıb
20:10 18.11.2026
Siyasət
ÜST-dən SOS - 6 addım 1,6 milyon insanın həyatını xilas edə bilər
19:58 18.11.2026
Aktual
Xosep Qvardiola Səudiyyə Ərəbistanında işləməkdən imtina edib
19:50 18.11.2026
Futbol
Lemmidən çağırış: Yenidən AB üzvü olmalıyıq!
19:42 18.11.2026
Dünya
ABŞ Qeşm adasında SEPAH-ın raket buraxılış məntəqəsini vurdu
19:28 18.11.2026
Gündəm
Əkrəm İmamoğluna iki il həbs cəzası verildi
19:12 18.11.2026
Aktual
KİV: Putin Çinə nüvə çantası ilə gedib
18:24 18.11.2026
Dünya