Manisa Böyükşəhər Bələdiyyə Başçısı Ferdi Zeyrek, evinin hovuzundakı elektrik nasazlığını yoxlayarkən elektrik cərəyanına toxunaraq ağır yaralanıb. Zeyrekin vəziyyəti kritik olaraq davam edir.
Sherg.az xəbər verir ki, Türkiyə Elektrik Mühəndisləri Odası, hadisə ilə bağlı evdə apardıqları ilkin araşdırmada bəzi ehtiyatsızlıqların ola biləcəyinə diqqət çəkdi.
Zeyrekin müalicə aldığı xəstəxananın baş həkimi, qanındakı oksigen səviyyəsinin normallaşdığını bildirsə də, hələ də süni nəfəs cihazına bağlı şəkildə müalicəsi davam edir.
CHP Başqanı Özgür Özel, hər saatdan bir vəziyyətin yaxşılaşması ilə bağlı ümidli məlumatlar aldıqlarını qeyd edib.
Hadisə zamanı elektrik sistemində texniki təhlükəsizlik qaydalarına tam əməl olunub-olunmadığı ilə bağlı araşdırmalar davam edir.
Həkimlər, Zeyrekin vəziyyətinin hələ də kritik mərhələdə olduğunu bildirirlər.
