ABŞ Prezidenti Donald Tramp yaxın günlərdə İlon Maskla danışmağı planlaşdırmır.
Bunu “Fox News”a müsahibəsində Ağ Evin mətbuat katibi Kerolayn Livitt deyib.
O bildirib ki, son günlər Ağ Ev rəhbəri ilə məşhur milyarder arasında heç bir danışıq olmayıb: "Düşünmürəm ki, yaxın günlərdə Prezidentin onunla danışmaq niyyəti olsun".
Xatırladaq ki, Amerikanın “Politico” qəzetinin daha əvvəl yazdığı kimi, iyunun 6-da Tramp və Maskın nümayəndələri arasında telefon danışığı olub və bundan sonra ABŞ Prezidenti və məşhur milyarder sosial şəbəkələrdə sərt bəyanatlar mübadiləsini dayandırıblar.
Beynəlxalq məsələlər üzrə ekspert Əziz Əlibəyli Sherg.az-a deyib ki, iki böyük ticarətçinin bir-biri ilə bu miqyasda qarşıdurmaya getməsi gözlənilən idi:
"Çünki onlar arasında maraq toqquşması yaranırdı. Tramp və Maskın münasibətlərindəki gərginlik davam edəcək. Bütün bunların kökündə siyasi fərdlər və dövlət siyasətindəki mövcud tənqidlərlə bağlıdır. Mask Trampın vergilərin qaldırılması ilə bağlı qanun layihəsini iyrənc pislik adlandırmışdı. Bu mənada Ağ Evin sahibi seçkilərdə göstərdiyi dəstəyi də unutduğunu deyir. Digər tərəfdən Mask Trampı bilavasitə qurşaqdan vurdu. Yəni Cefri Epşteynin cinayət işində ABŞ Prezidentinin iştirakına diqqət etdi. Bu, həqiqətən də Maskın bağladığı federal müqavilələrin ləğvinə qədər gətirib çıxardı. Daha sonra Tramp SpaceX və Starlink barədə federal anlaşmalara yenidən baxmaqla bağlı bəyanat verdi".
Ekspert qeyd edib ki, ümumiyyətlə Mask Trampın seçki kampaniyasında açıq şəkildə 250 milyon dollar xərcləyib:
"Ağ Evin sahibi isə bunun qarşılığını sərgiləmədi. Eyni zamanda iddialara görə, Mask demokratları maliyyələşdirir. Yekunda onları yaxınlaşdıran yox, uzalaşdıran səbəblərin sayı artır".
