Yaxın vaxtlarda Ermənistan və Azərbaycan arasında sülh müqaviləsinin imzalanması ilə bağlı yaxşı xəbər ola bilər.
Teleqraf xəbər verir ki, bunu Ermənistan xarici işlər naziri Ararat Mirzoyan deyib.
Xarici işlər naziri Bakı ilə danışıqların olub-olmaması və əgər varsa, Azərbaycanın ilkin şərtlərinin nələrdən ibarət olduğu barədə suala belə cavab verib:
“Hər şey deyilib, əslində, hazırda yenilənəcək məlumat yoxdur, necə ki, bir az əvvəl məsləhətləşmələrə başlamağa hazır idik, indi də hazırıq.
Hələlik (sülh sazişinin imzalanması ilə bağlı) irəliləyiş yoxdur, amma söhbət var və bundan əvvəlki danışıqlarda olduğu kimi, səbrli olaq, bəlkə yaxın gələcəkdə yaxşı xəbərlər olacaq”.
