ABŞ Prezidenti Donald Trampın administrasiyası Ukraynanın Rusiya ilə danışıqlardakı mövqeyini zəiflədir.
“Report” xəbər verir ki, bu barədə “Business Insider” nəşri yazıb.
Məqalədə vurğulanıb ki, beynəlxalq tərəfdaşların köməyi olmadan Ukrayna bu qədər böyük ərazini saxlaya bilməzdi, lakin “eyni tərəfdaşlar tez-tez onu çətin vəziyyətə salırlar, istər döyüş meydanında, istərsə də danışıqlar masasında”.
Nəşrin jurnalistləri Tramp səbəbindən Kiyevin mövqeyinin pisləşməsinə misal olaraq Ukraynanın yeraltı sərvətlərinin istismarı hüququnun ABŞ-yə verilməsi məsələsində Ukraynaya təzyiqi, Avropa İttifaqının (Aİ) Ukrayna ilə bağlı danışıqların iştirakçıları sırasından çıxarılmasını, Ukraynanın NATO-ya üzvlüyündən imtina edilməsini və Ukraynaya Amerika kəşfiyyat məlumatlarının verilməsinin dayandırılmasını göstəriblər.
Eyni zamanda vurğulanıb ki, Rusiya Ukraynaya və ya ABŞ-yə, demək olar, güzəştə getməyib, Ukraynanın enerji obyektlərinə hücumların dayandırılmasına razılıq istisna olmaqla, bu əsnada Rusiya qoşunlarının hücumu davam edir.
