İrlandiyanın Sinn Fein partiyasının sabiq lideri Qerri Adams Böyük Britaniya agenti Denis Donaldsonun qətli ilə bağlı yayımlanan materiala görə BBC-dən 84 min funt sterlinq (təxminən 180 min manat) təzminat alacaq.
Teleqraf xəbər verir ki, Dublin məhkəməsi 2016-cı ildə “BBC Northern Ireland” kanalında yayımlanan “Spotlight” proqramı və ona əlavə olunan onlayn məqalənin Qerri Adamsın reputasiyasına xələl gətirdiyinə qərar verib. Həmin materialda anonim mənbə onun 2006-cı ildə Denis Donaldsonun qətlinə icazə verdiyini iddia etmişdi.
76 yaşlı Adams bu ittihamları rədd edərək məhkəməyə müraciət edib.
11 nəfərlik hakim heyəti 6 saat 49 dəqiqəlik müşavirədən sonra BBC-nin bu məlumatları xoş niyyətlə təqdim etmədiyi qənaətinə gəlib və media holdinqinin 84 min funt sterlinq təzminat ödəməsinə qərar verib.
Qeyd edək ki, Denis Donaldson 2005-ci ilin dekabrında Britaniya kəşfiyyatına işləyən ikiqat agent olub. O, 2006-cı ildə, 55 yaşında qətlə yetirilib.
