"Artıq dörd əsrdir ki, Qvadelupa Fransa hakimiyyəti tərəfindən işğal altında saxlanılır".
Teleqraf xəbər verir ki, bunu Qvadelupa nümayəndəsi Joze Bvakanpeş (José Bwakanpèch) iyunun 25-də Bakıda “Qvadelupanın dekolonizasiyası” mövzusunda keçirilən konfransda çıxışı zamanı bildirib.
“Onlar bizə ilk dəfə hücum etdikləri vaxtdan bəri xalqımız fransızlara qarşı müqavimət göstərməyə başladı və bu, hələ də davam edir. Biz bu gün də burada toplaşaraq həmin mübarizənin davam etdiyini nümayiş etdiririk. Azərbaycanın bu məsələyə göstərdiyi diqqətə və dəstəyə görə təşəkkür edirik”, - o qeyd edib.
