Türkiyə xarici işlər naziri Hakan Fidan, Antalya Diplomatiya Forumu çərçivəsində Qəzzadakı son vəziyyətlə bağlı açıqlama verib. Fidan, İsrailə atəşi dayandırmaq çağırışı edib.
Sherg.az xəbər verir ki, Hakan Fidan, "İki Dövlətli Həll və Orta Şərqdə Davamlı Sülh" mövzusuyla keçirilən İslam Əməkdaşlıq Təşkilatı və Ərəb Liqası Nazirlər Komitəsinin Toplantısından sonra təşkil olunan mətbuat konfransında çıxış edib.
Nazir Fidan bildirib:
“İsrailin hücumları dərhal dayandırılmalıdır. Davamlı sülhün təmin edilməsi və iki dövlətli həll üçün addımları müzakirə etdik. Daimi atəşkəs dərhal təmin olunmalıdır. Qətər, Misir və ABŞ-nin vasitəçiliyi ilə aparılan atəşkəs danışıqlarını dəstəkləyirik. Ərəb Liqası tərəfindən qəbul edilən Qəzzanın yenidən qurulması planına dəstək veririk. İsraili fələstinlilərlə barışmağa və atəşkəs elan etməyə çağırırıq.”
