Bazar günü Türkiyədə bələdiyyə seçkilərinə bloksuz getmiş Cümhuriyyət Xalq Partiyası (CHP) 1977-ci il seçkilərindən sonra qeyri-rəsmi nəticələrə görə, birinci yerə çıxaraq özü üçün tarixi “qələbə” qazanıb.
Hakim Ədalət və İnkişaf Partiyası (AKP) seçki marafonunu ikinci yerdə başa vurdu və 22 illik iqtidarında ilk dəfə seçkilərdə məğlub olub.
Türkiyə Prezidenti Erdoğan bu seçkiləri şərh edərkən "31 mart bizim üçün son yox, dönüş nöqtəsidir" deyib.
Sual ortaya çıxır. Azərbaycan bələdiyyələri ilə Türkiyə bələdiyyələri arasında hansı fərqlər var? Azərbaycan bu sahədə Türkiyə sistemindən yararlanmalıdır?
Suallarımızı cavablandıran “Bələdiyyələrin fəaliyyətinin təbliği” İctimai Birliyinin sədri Vüqar Tofiqli “Sherg.az”a söyləyib ki, Türkiyədə keçirilən seçkilə "dərin dövlət" olaraq onun bir daha nüfuzunu yüksəltdi və bir çox ölkələrə demokratiya ənənələrinin necə qorumaq lazım olduğunu sübut etdi:
“Bu il ölkəmizdə də bələdiyyə seçkiləri keçiriləcək və bu artıq 6-cı dəfədir təşkil olunur. 25 yaşında olan Azərbaycan bələdiyyə sistemi müəyyən inkişaf yolu keçib. Sistemin formalaşması dövründə Türkiyə təcrübəsindən istifadə olunaraq müəyyən addımlar atılıb. Artıq uzun illərdir ki, Türk Dünyası Bələdiyyələr Birliyi (TDBB) təsis edilib və fəaliyyətdədir. Türk dövlətlərinin bələdiyyə qurumları TDBB üzvüdürlər. bu qurumun idarə heyətində Azərbaycan Şəhər Bələdiyyələrinin Milli Assosiyasının sədri qismində təmsil olunur. Günümüzdə Azərbaycan bələdiyyələri 25 illik inkişaf dövründə bir sıra çətinlik və problemlərlə üz-üzə qalsalar da, bir neçə ildə müvafiq orqanlar tərəfindən atılan addımlar sayəsində müəyyən mənada inkişafa nail olublar. Cari ilin seçkilər zamanı Türkiyə təcrübəsindən faydalanaraq addımlar atılması nəzərdə tutulur. O cümlədən bələdiyyələrin birləşdirilməsi təşəbbüsü reallaşmaq üzrədir".
V.Tofiqli vurğulayıb ki, birləşdirmə nəticəsində seçkilərdən sonra 1606 deyil, 800 yaxın bələdiyyənin formalaşdırılacağı gözlənilir:
“Bu da bələdiyyələrin nüfuzunun artmasına, maliyyənin mərkəzləşdirilməsinə və konkret layihələrin icrasına əlavə maliyyə vəsaitinin daxil olmasına imkan yaradacaq. Bununla yanaşı, büdcə imkanlarının artırılması üçün müəyyən tədbirlər görülməkdədir. 2023-cü ildə Adminstrasiyanın bələdiyyələrlə iş sektorunuv təşkilatçılığı və milli bələdiyyə assoisasiyalarının iştiakrıyla bələdiyyələrin avtomatlaşdırılmış sistemi Əmlak Məsələləri Dövlət Xidmətinin məlumat bazasına inteqrasiya edildi. Bu da bələdiyyələrin büdcə gəlirlərinin artmasına səbəb olacaq. Etiraf edilməlidir ki, Ədliyyə Nazirlinin Bələdiyyələrlə İş mərkəzi və regional ədliyyə idarələrinin də bələdiyyələrin üzləşdiyi prblemlərin həllinə, habelə metodiki tövsiyələrin verilməsində xusisi yeri və rolu var. Bundan sonra iki qardaş dövlət əlaqələri sayəsində Türkiyə təcrübəsindən yararlanmaq vacibdir və bu Azərbaycan bələdiyyəsinin üzləşdiyi çətinliklərin aradan qaldırılmasına öz dəstəyini göstərəcək".
