“Aksesuarları çox sevirəm. Elə saatım var ki, onun 1 500 manat qiyməti var. Elə boyunbağım var ki, gümüşdü, onun qiyməti 500 manatdır. Elə geyimim var ki, 100 manat da qiyməti var, 200 manat da. Deyim ki, hamısı 800-1000, yox, bu yalan olar. Evimdə bir otaq tək qarderobdu, ən yüksək paltarımın qiyməti 1 800 manatdır. Daha sonra, 500, 700, 800, 1000 manatlıq da var”.
Bu sözləri müğənni Şəbnəm Tovuzlu “MTV Xəbər”ə müsahibəsində qarderobundan danışarkən deyib.
O, çox bahalı kürklərinin olduğunu izləyicilərdən gizlətməyib:
“Kürklərə gəlsək, 17 000 manata qədər var. Sayca 5 kürküm var. Qarderobumda ən sevdiyim əl çantalarım, dikdaban ayaqqabılarımdır. 40-50 cüt bəlkə də daha çox ayaqqabım var. Ayaqqabımın ən yüksək qiyməti 300-400 manatdır. 70, 80, 100, 150 olanları da var”.
İfaçı həmçinin “Youtube” kanalından əldə etdiyi gəlirini açıqlayıb:
“Oradan gələn gəlirə heç bir şübhəm yoxdur. Çünki mənim milyonluq kliplərimin gəliridir. Ən azı 5 000 min dollar, yəni 10 000 manatdan yüksək olur”.
