Buraxılış imtahanları ölkədə ən kütləvi imtahanlardır. Onların bir gündə keçirilməsi ictimai asayişin pozulmasına gətirib çıxara bilər. Burada təkcə Dövlət İmtahan Mərkəzinin deyil, digər dövlət qurumlarının da imkanlarını nəzərə almaq lazımdır.
Sherg.az xəbər verir ki, bunu Dövlət İmtahan Mərkəzinin Direktorlar Şurasının sədri Məleykə Abbaszadə XI sinif buraxılış imtahanları ilə bağlı canlı yayımda sualları cavablandırarkən söyləyib.
O bildirib ki, həmçinin pandemiya şəraitini nəzərə almaq lazımdır:
"Vaxtilə bir imtahan binasına 500 nəfər, hətta 1000 nəfər daxil olub. Bu qədər şagirdin yoxlanılıb binaya buraxılması çox vaxt aparırdı. Ona görə də optimal olaraq ən çox həcmli binalar üçün 500 nəfər müəyyən edilmişdi. Pandemiya zamanı isə bu say 200 nəfərə endirildi".
