Tədqiqatçılar "WhoFi" adlı sistem icad ediblər
İtaliyanın Sapienza Roma Universiteti tədqiqatçıları Wi-Fi siqnalları ilə insanları izləyə bilən "WhoFi" adlı sistem icad ediblər.
Sherg.az xəbər verir ki, sistem, Wi-Fi dalğalarında yaranan pozuntuları analiz edərək insanın bədən quruluşuna uyğun "biometrik imza" yaradır və şəxsi 95,5% dəqiqliklə tanıya bilir. WhoFi işıq şərtlərindən asılı olmayaraq işləyir və divar arxasındakı şəxsləri belə aşkar edə bilir. Araşdırma qrupu bu texnologiyanı “mahremiyyətə uyğun” adlandırsalar da, bəzi mütəxəssislər sistemin insan bədəni ilə yaxın təmas qurduğu üçün məxfiliyə təhlükə yaratdığını bildirirlər.
Hazırda bu texnologiya yalnız laboratoriya səviyyəsində tədqiq olunur, lakin gələcəkdə üz tanıma və plaka oxuma sistemləri kimi gündəlik həyata daxil ola bilər.
