Azərbaycanın İrandakı səfiri Təbrizdə olub
Azərbaycanın İrandakı səfiri Təbrizdə olub
21:39 19.02.2022
Aktual
612
Fevralın 19-da Azərbaycanın İrandakı səfiri Əli Əlizadə Təbrizə səfəri çərçivəsində İranın Şərqi Azərbaycan vilayətinin valisi Zeynalabdin Abidin Xorrəm ilə görüşüb.
AZƏRTAC xəbər verir ki, görüşdə İran ilə Azərbaycanın regionları arasındakı əlaqələrin inkişafı müzakirə edilib. İranın qonşu ölkələrlə əlaqələrini inkişaf etdirmək siyasətini dəyərli adlandıran səfir, Azərbaycan Prezidenti İlham Əliyevin İranla əlaqələrin inkişafına xüsusi önəm verdiyini bildirib.
Azərbaycan Prezidenti, Müzəffər Ali Baş Komandan İlham Əliyevin rəhbərliyi ilə Azərbaycanın 44 günlük Vətən müharibəsi nəticəsində əldə etdiyi Zəfəri ilə azad olunmuş torpaqlarda başlanan bərpa və quruculuq işlərindən bəhs edən səfir Əli Əlizadə, bu Qələbə nəticəsində 132 kilometr İran-Azərbaycan sərhədi boyunca azad edilmiş Azərbaycan ərazilərinin də yeni reallıqlar və əməkdaşlıq üçün bir çox imkanlar yaratdığını bildirib. Səfir İran şirkətlərini, xüsusən Şərqi Azərbaycan vilayətində fəaliyyət göstərən şirkətləri, iş adamlarını Azərbaycanın işğaldan azad olunmuş ərazilərinə sərmayə yatırmağa, quruculuq işlərində yaxından iştirak etməyə dəvət edib.
Nəzərə çatdırılıb ki, işğaldan azad edilən ərazilərdə sənaye parkları, iqtisadi zonalar yaradılıb, bu ərazilərdə fəaliyyət göstərən şirkət və iş adamları üçün güzəştli imkanlar verilib. Həmin ərazilərdə “ağıllı” kənd və şəhərlərin, “yaşıl enerji” zonalarının da yaradıldığını qeyd edən səfir bir neçə ildən sonra bu ərazilərin Azərbaycanın qabaqcıl və inkişaf etmiş regionuna çevriləcəyini bildirib.
Martın 10-11-də Bakıda Azərbaycan ilə İran arasında müştərək iqtisadi komissiyanın iclasının keçiriləcəyini bildirən Ə.Əlizadə digər məsələlərlə yanaşı, Şərqi Azərbaycan Vilayəti ilə Azərbaycanın həmsərhəd ərazilərindən yeni sərhəd-keçid məntəqələrinin açılması, vilayətin Traktorsazi zavodunun istehsal müəssisəsinin azad olunmuş ərazilərimizdə yaradılması imkanlarının da müzakirə olunacağını bildirib.
Yaxın zamanlarda Bakı–Tehran reysinin yenidən fəaliyyətə başlayacağını bildirən Əli Əlizadə, pandemiya şəraitinin daha da yaxşılaşması ilə növbəti mərhələdə Təbriz və Bakı arasında birbaşa hava reysinin bərpasının da hər iki ölkənin aidiyyəti orqanları tərəfindən nəzərdən keçiriləcəyini bildirib.
İranın Şərqi Azərbaycan vilayətinin valisi Abidin Xorrəm nəzərə çatdırıb ki, İran Azərbaycan Respublikası ilə əlaqələrin inkişafına xüsusi diqqət yetirir. Vilayətin şirkətləri azad edilən ərazilərdə aparılan quruculuq işlərində iştirak etməyə hazırdırlar.
Görüşdə qarşılıqlı maraq doğuran məsələlər ətrafında geniş müzakirə aparılıb.
Oxşar xəbərlər
Xəbər lenti
Hamısına bax
İsrail Qəzzanın mərkəzində əməliyyata başladı
22:54 18.11.2026
Gündəm
Putinlə Trampın görüşü qısa olacaq - Kreml
22:18 18.11.2026
Dünya
Bərdədə piyadanı avtomobil vuraraq öldürüb
21:16 18.11.2026
Hadisə
Ölsəniz belə, sülh olacaq - Ararat Mirzoyan
21:04 18.11.2026
Cənubi Qafqaz
Milli Məclisin sədri Türkmənistana işgüzar səfərə gedib
20:52 18.11.2026
Siyasət
Paşinyanın ən çətin sınağı başlayır - Elçin Alıoğlu
20:31 18.11.2026
Gündəm
Putinlə Tramp arasında APEC sammitində danışıq baş tutmayıb
20:10 18.11.2026
Siyasət
ÜST-dən SOS - 6 addım 1,6 milyon insanın həyatını xilas edə bilər
19:58 18.11.2026
Aktual
Xosep Qvardiola Səudiyyə Ərəbistanında işləməkdən imtina edib
19:50 18.11.2026
Futbol
Lemmidən çağırış: Yenidən AB üzvü olmalıyıq!
19:42 18.11.2026
Dünya
ABŞ Qeşm adasında SEPAH-ın raket buraxılış məntəqəsini vurdu
19:28 18.11.2026
Gündəm
Əkrəm İmamoğluna iki il həbs cəzası verildi
19:12 18.11.2026
Aktual
KİV: Putin Çinə nüvə çantası ilə gedib
18:24 18.11.2026
Dünya
Sumqayıtda payız-qış mövsümü ilə bağlı müşavirə keçirilib
18:22 18.11.2026
Sosial