
BDU-nun jurnalistika fakültəsi üçün geniş imkanlar açılır
Yusif Nəzərli
04:26 12.04.2022
Media
960
Üç qurum arasında geniş, əhatəli əməkdaşlıq fəaliyyəti nəzərdə tutulub
Medianın İnkişafı Agentliyinin İcraçı direktoru Əhməd İsmayılov və Audiovizual Şuranın sədri İsmət Səttarov ötən həftə Bakı Dövlət Universitetinin Jurnalistika fakültəsində olublar. Görüşdə universitetin Sosial məsələlər, tələbələrlə iş və ictimaiyyətlə əlaqələr üzrə prorektor Əliş Ağamirzəyev, Jurnalistika fakültəsinin dekanı Vüqar Əliyev və professor-müəllim heyəti iştirak edib. Əvvəlcə Jurnalistika fakültəsinin Tədris-teleradio studiyasına baxış keçirilib. Radio və televiziya studiyaları, efir və montaj otaqları, audiovizual studiyaların fəaliyyəti və BDU TV internet kanalının işi ilə tanışlıq olub.

Audiovizual Şuranın sədri İsmət Səttarov studiyanın praktik imkanlarından və yaradıcı mühitdən məmnunluğunu ifadə edərək müştərək layihələrin həyata keçirilməsini təklif edib. Bildirilib ki, Tədris tele-radio studiyasının maddi-texniki potensialı əsasında müxtəlif formatlı proqramların hazırlanması mümkündür. Ölkənin radio və televiziya kanalları ilə əməkdaşlıq perspektivli layihələrin reallaşmasına imkan verəcək. Üçtərəfli əməkdaşlıq imkanlarını yüksək qiymətləndirən Medianın İnkişafı Agentliyinin İcraçı direktoru Əhməd İsmayılov tələbələrin praktik fəaliyyətinin stimullaşdırılmasından danışıb. Gələcəkdə MEDİA Agentliyinin dəstəyi ilə Jurnalistika fakültəsinin tələbələri üçün müsabiqələrin, treninqlərin və müxtəlif praktik seminarların təşkili barədə fikirlərini bildirib. BDU-nun prorektoru Əliş Ağamirzəyev və Jurnalistika fakültəsinin dekanı Vüqar Əliyev əməkdaşlığın jurnalist kadrların yetişdirilməsi istiqamətində faydalı nəticələr verəcəyinə əmin olduqlarını ifadə ediblər.
Mühüm görüşlə bağlı “Şərq”ə danışan Bakı Dövlət Universitetinin Jurnalistika fakültəsinin dekanı Vüqar Zifəroğlu deyib ki, müzakirələr nəticəsində Medianın İnkişaf Agentliyi, Audiovizual Şura və BDU arasında üçtərəfli müqavilənin bağlanması nəzərdə tutulub. V.Zifəroğlunun sözlərinə görə, müqavilənin məqsədi BDU-nun Jurnalistika fakültəsi ilə mediamızla bağlı iki mühüm təsisatın əməkdaşlığının daha da genişləndirilməsidir:
“Başlıca məqsəd sıx əməkdaşlığın qurulması, eyni zamanda həm tədris, həm də praktik fəaliyyətdə qarşılıqlı əlaqələrin yaradılması və sıxlaşdırılmasıdır. Ən önəmli məqam budur. İstər tələbələr, istərsə də müəllimlərlə bağlı bir çox maraqlı əməkdaşlıq formaları nəzərdən keçiririk.
Əməkdaşlıq həm təlimlər, həm də praktik-təcrübi formalarda olacaq. Müştərək layihələrin icra edilməsində bir sıra maraqlı məqamlar öz əksini tapacaq. Üç qurum arasında geniş, əhatəli əməkdaşlıq fəaliyyəti nəzərdə tutulub.
Təbii ki, Bakı Dövlət Universitetinin Jurnalistika fakültəsi üçün çox geniş imkanlar açılacaq. Perspektivdə jurnalistika tələbələrinin işlə təmin olunmasından tutmuş praktik vərdişlərə yiyələnmələrinə kimi müxtəlif formatlarda əməkdaşlıq mümkündür”.
Oxşar xəbərlər
Xəbər lenti
Hamısına bax
Məşhur şadlıq saraylarında nöqsanlar: Mal əti əvəzinə...
19:01 17.11.2026
Sosial
Sumqayıtda "Embawood"un anbarında ölüm hadisəsi olub
18:55 17.11.2026
Hadisə
Alen Simonyan: Katolikos II Qaregin milli təhlükəsizliyə təhdiddir
17:46 17.11.2026
Region
Uşağa qulluğa görə müavinət hüququ... - Yeni qayda
17:44 17.11.2026
Sosial
İranda üç etirazçı edama məhkum edildi
17:26 17.11.2026
Dünya
Azərbaycanda saatlıq əməkhaqqı sistemi tətbiq ediləcək
17:24 17.11.2026
İqtisadiyyat
Britaniya TRIPP-in təhlükəsizliyinə töhfə verə bilər - ŞƏRH
17:18 17.11.2026
Aktual
Bakcell gənclər üçün növbəti süni intellekt hakatonunu keçirib
17:17 17.11.2026
Ölkə
Ehtiyac meyarı ilə bağlı qanun layihəsi ilk oxunuşdan keçdi
17:09 17.11.2026
Sosial
Nazim İbrahimovun yeni fotosu heyrətləndirdi - FOTO
16:58 17.11.2026
Cəmiyyət
Əmək haqqı ödənişləri elektronlaşdırılacaq
16:55 17.11.2026
Sosial
Gələn il üçün ehtiyac meyarı 314 manat olacaq
16:23 17.11.2026
Sosial