ABŞ Prezidenti Donald Tramp miqrantlarla bağlı tədbirlərin bir hissəsi olaraq Los-Anceles və Kaliforniyaya qoşun yeritmək qərarını müdafiə edib.
Teleqraf xəbər verir ki, o, Los-Ancelesi qanunsuz miqrantlardan azad edəcəklərini bildirib.
D.Tramp Şimali Karolina ştatının Fort Braqq şəhərindəki hərbi bazada bir qrup əsgərlə görüşündə deyib: “Kaliforniyada şahid olduğunuz şey xarici bayraqları dalğalandıran iğtişaşçılar tərəfindən həyata keçirilən sülh, ictimai asayiş və milli suverenliyə qarşı hərtərəfli bir hücumdur. Amma biz Los-Ancelesi azad edəcəyik”.
Şəhərdə etirazlar iyunun 6-da miqrantlara qarşı reydlərə görə başlayıb. Bu, Ağ Evlə Kaliforniya administrasiyası arasında siyasi böhrana səbəb olub.
Etirazlar iğtişaşlara çevrildikdən sonra ABŞ Prezidentinin əmri ilə Los-Ancelesdə 1700-ə yaxın Milli Qvardiya hərbçisi yerləşdirilib. Ardınca ABŞ Müdafiə Nazirliyi şəhərə təxminən 700 dəniz piyadasıçısı yerləşdirildiyini açıqlayıb.
Los-Anceles meri Karen Bass dünən axşam şəhərin mərkəzində komendant saatı elan edib.
