Gələn son dəqiqə xəbərinə görə, ABŞ lideri Donald Tramp, federal hökumətin əyalətlərə koronavirusa (COVİD-19) qarşı peyvəndləri paylaşdırdığını ifadə edib. Tramp işin sürətləndirilməsi üçün əyalət rəhbərlərinə "hərəkətə keçin" çağırışı edib.
O, Twitterdən "peyvənd tətbiqləri gözləniləndən yavaş irəliləyir" tənqidlərinə də reaksiya verib.
Sherg.az xarici media istinadən xəbər verir ki, Tramp peyvəndlərin vaxtinda vurulmasının əyalət rəhbərlərinin məsuliyyəti olduğunu vurğulayıb.
Yerli medianın məlumatına görə, ölkədə COVİD-19-a qarşı peyvəndləmə gözləniləndən çox yavaş irəliləyir.
Qeyd edək ki, Tramp rəhbərliyi 2020-ci ilin sonuna qədər peyvəndin 20 milyon adama çatacağını vəd etmişdi. Lakin ABŞ Xəstəliklərə Nəzarət və Tədbir Mərkəzinin (CDC) məlumatlarına görə, dünənə qədər sadəcə 2,1 milyon adam peyvənd olunub.
ABŞ səhiyyə naziri isə demişdi ki, 2021-ci ilin ikinci yarısına qədər bütün amerikalılar peyvənd ediləcək. Bunlar nəzərə alınsa, onda gərək ölkədə gündə ən azı 3,5 milyon adama peyvənd vurulsun.
Turan
