Türkiyədə prezidenti Rəcəb Tayyib Ərdoğan karantin qaydalarının yumşaldılmasından sonra ortaya çıxan görüntülərə reaksiya verib.
Sherg.az türk mediasına istinadən xəbər verir ki, Ərdoğan partiyasının dünənki yığıncağında, normallaşma müddətində parklardakı ictimai məsafənin qorunmadığına dair vəziyyətlə əlaqədar danışıb.
Prezident "Niyə məsafələr nizamlanmır? Məsafəyə diqqət yetirin. Bu ancaq cəmiyyətin həssas olmasıyla önlənə bilər. Siz də həssas olun" deyə xəbərdarlıq edib.
Ərdoğan, səhiyyə naziri Fəxrəddin Kocaya gündəlik koronavirüs tablosunda rəqəmlərdəki dalğalanmaları da soruşaraq "Niyə bu rəqəmlər artır" deyib.
Nazir isə bu rəqəmlərin daha əvvəlki günlər reanimasiyada olan və ağır xəstələrdən qaynaqlı olduğunu, hazırda vəziyyətin stabil olduğunu söyləyib.
Fəxrəddin Koca ölümlərin yüzdə 98 faizinin 65 yaş üstü olduğunu da ifadə edib.
Yığıncaqda turizmlə əlaqədar da məlumat verən nazir, Rusiya və Almaniya kimi ölkələrlə əlaqədə olunduğunu ifadə edərək, "Rusların yaz aylarında gəlməsini gözləyirik. Türkiyə hadisə mövzusunda dünya ortalamasında 85-ci sıradadır. Bu səbəbdən turizm sahəsində işlər çox yaxşı gedəcək" deyib.
Mütəxəssislər isə önümüzdəki həftə ortasında gündəlik hadisə rəqəmlərinin 1100 ətrafına çıxa biləcəyini dilə gətirirlər. Ancaq buna baxmayaraq normallaşma vəziyyətindən geri addım atmadan, hamının qaydalara uyğun hərəkət etməsinin vacibliyi vurğulanır.
Turan
